Pas largimit nga familja mbretërore, ka reaguar për herë të parë Princ Harry.
Përmes një deklarate zyrtare ai ka folur me dhimbje të madhe për largimin e shumëpërfolur dhe u shpreh se vendimi ka qenë shumë i vështirë për t’u marrë.
Harry rrëfeu se i ka mbetur një brengë e madhe, pasi ai ka shpresuar që edhe pas heqjes së statusit mbretëror, të vazhdonte t’i shërbente mbretëreshës, por kjo gjë sipas rregullave nuk është e mundur.
“Për fat të keq, kjo nuk ishte e mundur”, tha ai i mërzitur.
“Mbretëria e Bashkuar është shtëpia ime dhe është një vend që unë e dua. Kjo nuk do të ndryshojë kurrë. Jam rritur duke ndjerë mbështetje nga të gjithë ju, dhe kam parë sesi e keni mirëpritur krahëhapur, Meghanin”, tha ndër të tjera Harry, ndërsa turma shpërtheu në brohoritma.
Ai shtoi se një ndër arsyet e largimit ka qenë Meghan, e cila nuk po përshtatej dot me situatën e krijuar në media dhe sfidat që asaj i janë dashur të kalojë kanë qenë të shumta.
