Një 59-vjeçar i cili punonte si shofer autobusi në Francë ka humbur jetën, pasi u rrah nga një grup pasagjerësh që refuzuan të mbanin maska.
Philippe Monguillot humbi jetën ditën e sotme në spital, si pasojë e plagëve të marra.
“Vendosëm që ta linim që të shkonte. Mjekët e rekomanduan dhe ne ramë dakord”, tha vajza e tij, Marie.
Shoferi u sulmua në jugperëndim të Bayonne të dielën, pasi u kërkoi tre pasagjerëve që të mbanin maska, në kuadër të rregullave të vendosura për frenimin e pandemisë.
Në lidhje me këtë ngjarje janë akuzuar 5 persona. Dy prej tyre janë akuzuar për tentativë vrasjeje, dy të tjerë për mosdhënie ndihme dhe një tjetër për tentim të fshehjes së një të dyshuari.
Raportohet se dy personat e akuzuar për vrasje në tentativë janë të moshës 22 dhe 23 vjeç.
