Kryetari i AKR, Behgjet Pacolli është shprehur se nesër në orën 11:00 do ta dorëzojë mandatin e tij si zv.kryeministër dhe ministër i Jashtëm.
Në fjalën e tij pas seancës plenare, Pacolli sqaroi edhe mesazhin e publikuar në media se ai ka komunikuar me presidentin Thaçi.
“Jo, skam marr kërcënim nga askush në telefonatë. Ajo telefonatë ishte mes kolegëve të mi të koalicionit”, tha ai.
Kujtojmë se ditën e sotme u mbajt në Kosovë seanca plenare, ku Albin Kurti u zgjodh kryeministër. Ndërsa kandidatja e LDK-së në zgjedhje, Vjosa Osmani u vu në krye të parlamentit.
