Pas kapjes së disa tonëve lënde narkotike në Vlorë, ka reaguar ish-kryeministri Sali Berisha.
Në operacion mori pjesë edhe vetë kreu i Policisë së Shtetit, Haki Çako, i cili gjatë fjalës së tij tha ndër të tjera se “do e realizojnë me sukses prioritetin e qeverisë shqiptare nën kujdesin e veçantë të kryeministrit shqiptar”.
Kështu, Berisha ka sulmuar para pak minutash Çakon, teksa shkruan se “Haki droga u betohet policëve për kokën e Noriegës”, ndërsa shton se droga e sekuestruar është 25 tonë dhe jo 15.
Gjithashtu, përmes postimit në Facebook, Berisha pretendon se droga u përket kushërinjve të Saimir Tahirit, të cilët u denoncuan nga klani Xhafa.
POSTIMI I PLOTË I BERISHËS:
Haki droga ju betohet policeve per koken e Norieges!
Kapen ne Vlore 25 tonelata droge e klanit Habilaj, i cili paditet nga klani Xhafa!
Haki droga betohet para policeve per koken e Norieges!
Njeriu qe se bashku me Noriegen dhe Saje qorrin krijoi narko-republiken e pare ne Europe, ju tha dje policeve: “do ta çojmë këtë operacion deri në fund dhe i kemi premtuar për ta realizuar me sukses këtë prioritet të qeverisë shqiptare nën vëmëndje dhe kujdes të veçantë të kryeministrit shqiptar!” Hahaha?!
Lexoni me poshte mesazhin e qytetarit dixhital. sb
Oficeri dixhital informon:
“Pershendetje doktor droga e kapur ne Lakatund nuk esht 15 por 25 tonelata.Kjo droge esht e klanit Habilaj kushurijve te Sajmir Tahirit.Informacioni per drogen esht dhene nga Klani Xhafa i cili ka pesuar disa goditje ne trafikun e droges fale autoriteteve italiane,e fundit ishte skafi qe u mbyte para nje jave ne det.”
