Mohammad Ali Ramazani Dastak, i cili u zgjodh deputet javën e kaluar në Iran ka ndërruar jetë si pasojë e infektimit nga koronavirusi.
Sipas agjencisë shtetërore të lajmeve iraniane, cituar nga agjencia e Reuters në Iran, deputeti ka rezultuar pozitiv ndaj virusit disa ditë më parë.
Zyrtarë të Ministrisë së Shëndetësisë deklarojnë se numri i viktimav ë në vend ka shkuar në 43, ndërsa numri total i të infektuarve ka shkuar në 593.
“Fatkeqësisht nëntë njerëz vdiqën nga virusi në 24 orët e fundit. Numri i të vdekurve është 43. Rastet e reja të te infektuarve të konfirmuar që nga dita e djeshme është 205 që e bën numrin e përgjithshëm të personave të infektuar të konfirmuar 593”, tha Kianush Jahanpur për TV shtetëror.
