Kryeministri i Britanisë, Boris Johnson ndodhet ende në izolim, pasi pak ditë më parë u konfirmua me koronavirus.
Përmes një postimi në Twitter, Johnson tregon se vazhdon të ketë ende simptoma të lehta.
“Edhe pse ndjehem më mirë dhe i kam kaluar shtatë ditët e izolimit, vazhdoj të kem simptoma të lehta. Kam ende temperaturë, kështu që në përputhje me këshillat e qeverisë, duhet të vazhdoj izolimin tim derisa të kalojë kjo simptomë”, shkruan ai në postimin e tij.
Kryeministri britanik rezultoi pozitiv me koronavirus të premten e kaluar. Ai është vendosur në izolim në shtëpinë e tij, ku edhe vijon të punojë.
Deri më tani në Mbretërinë e Bashkuar janë regjistruar 38,168 raste infektimi. Sipas Worldometer, janë shënuar 3,605 viktima ndërsa janë shëruar vetëm 135 persona.
