Kandidati demokrat për president të Shteteve të Bashkuara, Joe Biden, i uroi shërim të shpejtë presidentit amerikan Donald Trump, dhe Zonjës së Parë Melanie, pas infektimit me Covid-19.
“Jill (gruaja e Bidenit) dhe unë u dërgojmë dëshirat tona, presidentit Trump dhe Zonjës së Parë Melania Trump, për një shërim të shpejtë. Ne do të vazhdojmë të lutemi për shëndetin dhe sigurinë e presidentit dhe familjes së tij”, tha Biden në një postim në rrjetin social Twitter.
Jill and I send our thoughts to President Trump and First Lady Melania Trump for a swift recovery. We will continue to pray for the health and safety of the president and his family.
— Joe Biden (@JoeBiden) October 2, 2020
Biden, nuk e ka informuar akoma publikun nëse ai është testuar për Covid-19.
Presidenti Trump njoftoi sot se ai dhe Melanie, rezultuan pozitivë në testin për koronavirus.
Tashmë ata janë karantinuar dhe do marrin trajtimin e duhur.
Trump rezultoi pozitiv disa ditë pas përballjes me Biden, në debatin e parë presidencial, për zgjedhjet e 3 nëntorit.
