Politikani opozitar rus, Alexei Navalny, ka publikuar një fotografi duke zbritur shkallët në rrjetet sociale, pesë ditë pasi doli nga reanimacioni në spital.
“Më lejoni t’ju tregoj se si po shkon rehabilitimi im. Është një rrugë e qartë, por e gjatë”, shkroi ai në Instagram.
Navalny u sëmur më 20 gusht gjatë një fluturimi brenda Rusisë, ndërsa disa ditë më vonë u dërgua për mjekim në Gjermani. Ekspertët gjermanë dolën në përfundim se ai ishte helmuar me agjentin nervor Noviçok.
Kritiku i Kremlinit tha se ai ende nuk mund ta përdorë telefonin dhe ka vështirësi të mbushë gotën me ujë apo të ngjitet shkallëve për shkak të paqëndrueshmërisë. Sipas ekipit të Navalnyt, në shishen e ujit në dhomën e tij të hotelit, janë gjetur gjurmë të agjentit nervor Noviçok.
