Zbardhen detaje të reja në lidhje me 45-vjeçarin Eltion Lazaj, i cili u gjet paraditen e sotme në qytetin e Vlorës, pas shenje jete brenda në automjetin e tij.
Mësohet se viktima është vëllai ish-gjyqtarit Artan Lazaj, i shkarkuar nga vettingu më 11 gusht të vitit 2018.
Ish-gjyqtari i Gjykatës së Tiranës, u shkarkua pasi sipas anëtarëve të KPK-së, kishte fshehur pasurinë. Po ashtu, ai është njëri nga gjyqtarët që Ambasada e SHBA-së iu kishte refuzuar vizën.
Viktima, dy ditë pa shkuar në shtëpi
45-vjeçari u gjet nga disa kalimtarë të rastit, pa jetë pranë zonës së njohur si ‘Rruga e re’. Eltion Lazaj, kishte dy ditë pa u kthyer në shtëpinë e tij.
Nga kqyrja paraprake e trupit të viktimës, nuk ka pasur shenja dhune apo dëmtime të tjera. Dyshohet se 45-vjeçari ka vdekur si pasojë e asfiksisë pasi ka shkuar në gjendje të dehur në automjetin e tij.
“Sot, rreth orës 10:50, në lagjen “Osman Haxhiu”, Vlorë, është gjetur në mjetin e tij nga familjarët, pa shenja jete shtetasi E. L., 45 vjeç, i cili nga të dhënat e para dyshohet se ka ndërruar jetë për shkaqe natyrale. Nga këqyrja paraprake e trupit të tij, nuk janë konstatuar shenja dhune apo dëmtime të tjera”, informoi policia.
