Vdekja e ish-ministrit të Rendit në Greqi, Sifis Valyrakis ka ngjallur reagime nga ana e familjes. Bashkëshortja e tij, Minas Papatheodorou – Valyrakis, dyshon se i ndjeri është vrarë gjatë kohës që kishte dalë për xhiro në varkë, shkruan Protothema.
Në një letër drejtuar Ministrit të Transportit, i cili është përgjegjës për Rojën Bregdetare, Valyraki shkruan se ka prova se në zonë bashkë me bashkëshortin e saj është parë edhe një anije peshkimi, duke hedhur dyshime për vrasjen e ish-ministrit.
“Ne ju nxisim të veproni menjëherë në mënyrë që hetimet. Vetëm në këtë mënyrë harresa dhe fshehja nuk do të mbizotërojnë,”-tha ajo.
Sipas ekspertizës mjeko-ligjore në trupin e ish-ministrit janë konstatuar dy plagë në kokë që dyshohet se i ka marrë nga goditja e helikës pas rënies nga varka e tij.
Ish-ministri grek u gjet i vdekur në det pak ditë më parë, milje larg varkës së tij, pasi ishte zhdukur prej disa orësh.
