Del fotoja e 45-vjeçarit Flamur Duçi, i cili u gjet i pajetë mëngjesin e sotëm pranë lokalit të tij nga bashkëfshatarët. Ngjarja është shënuar në fshatin Mborje të Korçës. Fotografia është siguruar nga “BalkanWeb”.
Nga këqyrja paraprake e trupit të pajetë, 45-vjeçari kishte marrë plagë në kraharor, shkaktuar nga një mjet prerës si dhe të djegura në pjesën e kokës, pasi autorët kishin tentuar ta digjnin.
Dyshohet që autorët kanë shkuar në banakun e lokalit, ndërsa kanë goditur me thikë 45-vjeçarin. Më pas për të humbur gjurmët, e kanë spërkatur atë me benzinë dhe kanë tentuar që ta djegin.
Ndërkohë, familjarët dhe fqinjët e Duçit dyshojnë se ai mund të jetë vrarë nga të afërmit e ish-gruas së tij, me të cilën kishte dy vajza.
