Është dënuar me 1 vit burg nga Gjykata e Shkallës së Parë në Vlorë, Mihal Kokëdhima, për akuzat e “kanosjes”, “dëmtime të tjera me dashje” dhe “shkatërrim prone”.
Kujtojmë se gjatë sezonit turistik, Kokëdhima sulmoi një familje spanjolle që kishte ndaluar për të konsumuar drekën në lokalin e tij.
Raportohet se i gjithë sherri nisi për një ngatërresë në numrin e peshqve të porositur nga familja spanjolle e biznesmenit të njohur Eugenio Galdon themelues i kompanisë “ONO”.
Ai jo vetëm që nuk mori shërbimin e kërkuar në lokalin e Mihalit, por u përball edhe me një skenë e cila bëri bujë të madhe në media.
Pas skandalit, lokali i Kokëdhimës u shemb nga IKMT, pasi ishte pa leje.
