Pas babait 44-vjeçar i cili u mbyt në plazhin e Rrushkullit, ka ndërruar jetë në spitalin e Durrësit edhe vajza e tij 9-vjeçare.
Raportohet se babë e bijë ishin futur për t’u larë në det mirëpo fatkeqësisht gjithçka përfundoi në tragjedi.
“Në lidhje me informacionin e mësipërm ku humbi jetën duke u larë në det shtetasi Dh.B.,44 vjeç, ju bëjmë me dije se ka ndërruar jetë në Spitalin Rajonal Durrës edhe shtetësja e mitur M.B., 9 vjeçe”, njofton policia.
Babë e bijë thuhet se ishin pushues ditorë nga Tirana.
Mësohet se babai ka marrë vajzën dhe janë futur për t’u larë në det, ndërsa dallgët kanë marrë 9-vjeçaren.
Më pas, në tentativë për të shpëtuar vajzën është mbytur edhe babai.
