Një shqiptar është dënuar me 12 muaj burg në Britaninë e Madhe, pasi u kap duke menaxhuar një fabrikë kanabisi. Ai ishte fshehur në një fuçi me ujë, në mes të fermës ku po rriteshin 120 bimë kanabisi, shkruan Tirana Today.
Shqiptari i identifikuar si Mensur Koka, 23 vjeç, kishte një gungë në ballin e tij, dhe tha se e kishte goditur një person pasi kishte shkuar për ta vjedhur.
Julian Gaskin, avokati mbrojtës i tij është shprehur: “Kjo është hera e parë që ai është në paraburgim”, raporton gazettelive.co.uk.
Ai tha se Koka hyri në vend ilegalisht dhe kishte punuar në një restorant në Shreësbury në Shropshire për rreth katër vjet para se të luante një “rol më të vogël” në kultivimin e kanabisit.
Shqiptari mësohet se nuk kishte pasur precedentë të mëparshëm penal në vendin tonë dhe para autoriteteve britanike deklaroi se nuk kishte asnjë njeri në Shqipëri.
Ai shtoi se Koka kishte qenë një “i burgosur model”, pasi “kohën në burg e ka shfrytëzuar për të bërë kurse anglishteje dhe matematike”, shpjegoi më tej avokati.
Ishte një telefonatë anonime që i njoftoi oficerët e policisë për një aktivitet të dyshimtë në një shtëpi në rrugën Hereford.
Autoritetet arrestuan një tjetër person, i cili u kap gjatë kohës që po largohej nga banesa. Gjatë kontrollin, përveç shqiptarit të fshehur mes drogës, u zbuluan rreth 120 bimë dhe 108 fara kanabisi, vlera e të cilave shkonte mbi 66 mijë paund.
23-vjeçari Koka, i cili jetonte në Shropshire, pranoi akuzat e prodhimit të drogave të klasit B, më 22 Tetor të vitit të shkuar. TIRANA TODAY
