Në datën 5 prill, ish-ministri i Brendshëm, Saimir Tahiri, u filmua duke performuar së bashku me Eneda Tarifën në një nga lokalet e natës në kryeqytet.
Videoja në fjalë ku performonin të dy u bë virale, por këngëtarja e ka një koment, ndoshta ndaj atyre që e kanë thumbuar.
Ajo ishte e ftuar në “Pop Culture”, ku tha se edhe Tahiri, si çdo person ka të drejtë të argëtohet.
“Nuk e kuptoj pse ajo video ku këndoja me Saimir Tahirin u bë aq virale. Edhe Saimiri si çdo person tjetër ka të drejtën të bëjë qejf”.
Në vijim, moderatorja e “Top Talent 2”, që së shpejti do të transmetohet në ekranin e “Top Channel”, pohoi gjatë intervistës së sotme se nëse nuk do të ishte politikan, Tahiri do ishte një super këngëtar.
“Ka një vesh të mirë muzikor, e njeh muzikën. Mund t’i bëjë fare mirë edhe back vokalet”.
