Sa i takon atentatit në Vlorë që ka ndodhur më pak se një orë më parë, policia ka dhënë detajet e para në mënyrë zyrtare. Policia e Vlorës e ka ende të paqartë se çfarë ka ndodhur në lagjen “Uji i Ftohtë” në Vlorë, ku mbetën të vrarë dy persona dhe u plagos një tjetër, ndërsa ka ngritur një grup të posaçëm hetimor. Në vendngjarje janë ende gëzhojat e shumta të armëve të përdorura. Nisur nga burimet policore, kemi të bëjmë me një atentat të pastër.
Deklarata e policisë
“Pak minuta më parë në lagjen “Ujë i Ftohtë”, Vlorë, kanë mbetur të vrarë dyshohet me armë zjarri 2 shtetas dhe 1 tjetër u plagos, në rrethana ende të paqarta.
Një grup i posaçëm hetimor u ngrit menjëherë dhe po punon për sqarimin e rrethanave dhe identifikimin e ndalimin e personave të implikuar në ngjarje. Për shkak të hetimeve, nuk mund të bëhen të ditura detaje të tjera”, deklaron zyrtarisht policia.
