Kryetari i Partisë Demokratike Lulzim Basha ka mbërritur në familjen Rasha, e cila humbi sot djalin më të vogël, 25-vjeçarin Klodianin. Mësohet se Basha ka shkuar të ngushëllojë familjen për humbjen e madhe, ngjarje e cila tronditi sot të gjithë Tiranën.
Partia Demokratike ka reaguar herë pas herë për ngjarjen e rëndë, ku mesnatën e kaluar efektivi i policisë Nevaldo Hadëraj vrau me armë zjarri Klodian Rashën.
Selia blu e ka konsideruar këtë ngjarje si pasojë e një shteti policor të drejtuar nga kryeministri Edi Rama.
Gjate ngushëllimit në familjen Rasha, mësohet se kryetari demokrat e ka dënuar ashpër vrasjen e të riut, duke kërkuar “vënien para përgjegjësisë jo vetëm të atyre që kanë qëlluar mbi të, por mbi të gjithë strukturën drejtuese të policisë dhe kryeministrit, që arrogancën dhe brutalitetin e tij e ka injektuar në çdo hallkë të zinxhirit shtetëror”.
