Të tjera detaje kanë dalë lidhur me ekzekutimin e 43-vjeçarit Gjergj Krygja në fshatin Sume të Dukagjinit.
Viktima ka qenë i dënuar më herët për drogë në Itali, shkruan “Balkan Web”. Ndërsa dyshohet se para dy vitesh 43-vjeçari ishte në kërkim edhe në Shqipëri për kultivimin e lëndëve narkotike.
Nga ana tjetër, policia pritet t’i dërgojë një shkrese autoriteteve italiane lidhur me dosjen e Gjergj Krygjës dhe depërtimin e tij.
Piste të përgjithshme ka këto çështje. Megjithatë ende nuk ka indicie konkrete nëse kanë lidhje direkte me vrasjen e tij apo ka ndonjë konflikt tjetër.
Gjergj Krygja, 43-vjeç, baba i tre fëmijëve u vra dje me katër plumba në pragun e derës së shtëpisë së tij në fshatin Sumë të Shkodrës. Të shtënat janë dëgjuar nga bashkëshortja e tij, e cila ka dale menjëherë, por e ka gjetur të vdekur me katër plumba në trup.
Ai është qëlluar me automatik kallashnikov nga një largësi prej rreth 20 metër. Ndonëse u tha se autorët kishin lëvizur me një fuoristradë, pas hetimeve, rezultoi se mjeti nuk ka lidhje me ngjarjen.
