Rajoni

Vetëvendosja siguron 32 deputetë, dalin rezultatet e zgjedhjeve në Kosovë


               Publikuar në : 11:02 - 07/11/19 L M

Komisioni Qendror i Zgjedhjeve ka nxjerrë rezultatin përfundimtar të zgjedhjeve të parakohshme që u mbajtën në Kosovë më 6 tetor.

Lëvizja Vetëvendosje ka marrë 32 deputetë, ndërsa LDK-ja numëron 29. Ndërkohë Nisma Socialdemokrate me AKR-në dhe PD-në, mbeten jashtë Kuvendit të Kosovës.

Kryetarja e KQZ-së, Valdete Daka ka treguar statistikat e përgjithshme, raporton “Gazeta Express”.

“Janë statistikat e përgjithshme numri i votueseve të regjistruar ka qenë një 1 milion e 961 mijë votues. Numri i votuesve që kanë numëruar jashtë vendvotimeve është mbi 50 mijë dhe pjesëmarrja në votime është 44.72%. numri i pranuar i fletëvotimeve të vlefshme është 844.121 fletëvotime, të pavlefshme 25.485 fletëvotime”, ka thënë ajo.

Ndërkohë ka publikuar edhe rezultatet sipas subjekteve politike. “Lëvizja Vetëvendosje ka fituar gjithsej 220.811 vota apo 26.29%, LDK 206.458 apo 24.458%, PDK ka 178.645 apo 21.163%. AAK-PSD ka 96.883 vota 11.477%, Lista Serbe 57.015 vota apo 6.74%, Nisma-AKR-PD 42.072 vota apo 4.984%”.

Kthehu
WhatsApp Denonco ne TT