Gjykata e Lartë në Brazil ka liruar nga burgu ish-presidentin Luiz Inacio Lula da Silva. I cili ishte duke vuajtur dënimin për korrupsion.
Mbështetës të shumtë të tij ishin mbledhur jashtë godinës së burgut Curitiba.
Lirimi i tij pasoi një vendim të marrë nga Gjykata e Lartë, ku thuhet se një person mund të burgoset vetëm pasi janë ezauruar të gjitha apelimet në gjykatat e niveleve më të larta. Da Silva është ende në proces apelimi për çështjen që e mbajti në burg që nga prilli 2018.
Ai u dënua me rreth 9 vite burg për korrupsion. Por mohon të ketë kryer shkelje, ndërsa insiston se rasti ndaj tij ishte politikisht i motivuar.
Da Silva drejtoi vendin gjatë periudhës 2003-2010.
