Kandidatja për postin e kryeprokurorit të përkohshëm, Ermira Tafani nuk është një emër i panjohur për median shqiptare. Tafani është akuzuar për marrjen e një ryshfeti 1500 euro për mbylljen e çështjes gjyqësore. Në denoncimin që bëri emisioni “Stop” prokurorja e Gjykatës së Elbasanit, Ermira Tafani, nëpërmjet oficerit të policisë gjyqësore, ka kërkuar 1500 euro për të liruar një të ri të akuzuar për vjedhje, dhunë në familje dhe kundërshtim të forcave të policisë. Oficeri Behar Kola kishte rolin e sekserit ndaj gjyqtares dhe prokurores. Kola u shfaq në një videoregjistrim në emisionin “STOP”, duke marrë 3500 euro për të ndërhyrë te gjyqtarja Pajtime Fetahu dhe te prokurorja Ermira Tafani për çështjen në Gjykatën e Elbasanit.
Gjyqi ndaj të riut që akuzohej për vjedhje dhe dhunë në familje u shty herën e parë për mungesë të prokurores Ermira Tafani, por vendimi përfundimtar i jep lirinë të arrestuarit. Prokuroria për Krime të Rënda nisur hetimet për gjyqtaren Pajtime Fetahu, për akuzën e korrupsionit pasiv dhe shpërdorimit të detyrës. Çuditërisht nuk është nisur asnjë hetim ndaj prokurores Ermira Tafani. Edhe në formularin e dekriminalizimit ajo rezulton e pastër pa asnjë hetim apo dënim ndaj saj. TIRANA TODAY
Ermira Tafani by Tirana Today on Scribd
