Paraditen e sotme ka nisur shembja e godinës së gjimnazit “Sami Frashëri” në Tiranë, e cila u dëmtua nga tërmeti i 26 nëntorit. Disa fadroma nisën shembjen e godinës.
Përpos kësaj shkolle, do të shemben edhe 4 institucione të tjera arsimore në disa vende. Ministri Arben Ahmetaj tha sot se këto shkolla, do të bëhen edhe më moderne.
Gjimnazi “Sami Frashëri” u ndërtua në vitet ’60, ndërsa do të jetë shkolla e parë që do të rindërtohet pas dëmeve të shkaktuara nga tërmeti i 26 nëntorit.
Më herët, kreu i Bashkisë së Tiranës, Erion Veliaj, deklaroi se shkolla ku edhe ai ka studiuar, do të shembet për t’u ndërtuar më e madhe dhe më e fortë.
