Anëtari i Kryesisë së Partisë Demokratike, Fatbardh Kadilli ishte ndër të parët i cili kërkoio dorëheqjen e kryedemokratit Lulzim Basha, pas humbjes së zgjedhjeve parlamentare të 25 prillit.
Jo vetëm kaq, por ai shpalli kandidaturën e tij për të marrë drejtimin e partisë, për faktin se sipas tij situata kërkon një reagim të menjëhershëm.
Në një intervistë për ”Euronews”, Kadilli u shpreh se Basha është tashmë një projekt i dështuar, megjithëse është një nga investime tmë të mëdha në PD, dhe i cilësuar si trashëgimtar i ish-kryeministrit Sali Berisha.
Fatbardh Kadilli: ”Basha është një projekt i shteruar. Është një nga investimet më të mëdha që ka bërë Partia Demokratike. Kujtoj që nga janari i vitit 2005, 16 vite e më shumë është figura më e investuar politike dhe u cilësua si trashëgimtar i zotit Berisha. Iu dha ky besim nga Berisha dhe mbështetës të tjerë në vitin 2013. Iu rikonfirmua edhe pas dështimit të turpshëm për faj të tij në 2017. Nuk mund të vazhdojmë, ky projekt i dështuar duhet të ndalojë. Ai nuk mund ta drejtojë më këtë parti në fitore. Kam shpallur kandidaturën për të qenë një gru përballë një grupi, por një projekt i ri përballë një projekti të dështuar. Qëllimi është të kenë demokratët një projekt të ri për të fituar.”
