Ermal Mamaqi ka dhënë provat se po shndërrohet dita-ditës në një influencues. Pak muaj më parë, ai ka shpërndarë një postim në Instagram, ku shkruan se ka nisur një kapitull të ri në jetën e tij. Projekti është finalizuar në një akademi, e cila sipas tij, do të prodhojë njerëz të suksesshëm në këmbim të një pagese.
Mamaqi ka nisur prej disa muajsh kurse trajnimi për të gjithë të rinjtë, që duan të bëhen të suksesshëm, ku përgjatë pandemisë bëri edhe bujë me fjalimin e famshëm “Mos lexoni libra, por çohuni nga kolltuku”. E gjithë paketa me afat një vjeçar kushton plot 39 mijë e 910 euro, por meqënëse sezoni i festave është afruar, ju mund ta përfitoni në vlerën e 9470 euro.
Kaq ka mjaftuar që rrjeti të shpërthejë. Ka nga ata që e kanë ironizuar, disa e kanë kritikuar e disa e kanë sharë. Sipas komentuesve, ai po e tepron me çmimin që ka vënë për të dhënë shërbimin. Madje u duket shumë e tepruar. Pas zhurmës ka ardhur edhe reagimi i Ermalit, i cili në një status në rrjetet sociale shkruan se trajnimi “1 Vit për Sukses” kushton 7.890 + Tvsh, por vlen më shumë se 39.000 euro.
Statusi
Ne Shqiptarët jemi Fantastik.
Nëse merresh me drogë, bën vrasje, vjedhje, korrupsion për ty thonë, “Hallall ja boftë Zoti”. Ama nëse mbledh disa njerëz dhe ndan me ta se si të tjerët mund të prodhojnë sukses, atëherë ke bërë Blasfemi, dhe do vendosesh në shenjestër. E para Trajnimi 1 Vit për Sukses kushton 7,890 + Tvsh por Vlen më shumë se 39.000 euro (link në bio). Vetëm 1 nga Trajnimet e Biznesit që kam bërë kushton mbi 10K. Është një Paketë me trajnime nga me të ndryshmet dhe përbëhet nga disa nga profesionistët e Shitjes, Marketigut, Meditimit dhe Vetëzhvillimit. Dhe takimet me mua dhe Profesorët janë çdo javë.
Qesha shume dje me miqtë e mi…
Për ju që nuk e dini, kam mbi 10 vjet që studioj këtë Filozofi të Vetëzhvillimit dhe Motivimit. Jam trajnuar, Çertifikuar nga njerëz që janë Autoritet në këtë industri, që nga Vasil Naci e deri te më të mirët e Planetit, si Tony Robbins, Brian Tracy etj.
Uroj të çliroheni nga ky ankth që ju ka kapur nga kjo që po bëj, pasi duhet të kuptoni që asgjë e keqe nuk do t’ju vijë…?
Është si të mërzitesh për dikë që mbledh disa profesor kuzhine dhe bën një kurs për gatimin.
Ju tregoj një fakt personal…
Në të gjithë punët që kam bërë kryesisht artistike kam vendosur gjithmonë një sukses ose rekord dhe gjithmonë në fillim dikush ose të gjithë thonë Parrullën : U bo ky…Ky që ishte kamarier, ose ky që ishte DJ.
Dhe e thone si të ishte turp. Në fakt për mua është krenari dhe një nga pikat më të forta që provoj që keto formula suksesi që mësojmë, funksionojnë. Dhe në fakt 98% e njerëzve të suksesshëm dhe të pasur vijnë nga 0.
Dikush që është shumë i pasur, nuk di si të flasë në publik. (këtë mësojmë ne)
Dikush ka shumë vlera/aftësi dhe nuk di si t’i shesë ose të prodhojë biznes. (këtë mesojmë ne)
Dikush do të mesojë si ta fillojë rrugën e përmirësimit. (këtë mësojmë ne)
Dikush do të mësojë si jetë i lumtur me atë që ka. (këtë mësojmë ne)
Ju ftoj që të bëheni pjesë e Trajnimeve tona të Suksesit për Seancën Falas dhe nëse ju pëlqen mund të bëheni pjesë e Trajnimit *Mendo, Ndrysho, Fito* që do të jetë online në dt 12 dhe 13 Dhjetor. Një Trajnim që ka transformuar jetët e më shumë se 2000 Personave.
Shihemi në majë të suksesit.?
View this post on Instagram
