Pas përplasjeve të ashpra që u regjistruan mbrëmjen e kaluar në KZAZ-në numër 19 në Dibër, 15 persona janë shoqëruar nga Policia.
Raportohet se shoqërimet janë bërë në orët e para të mëngjesit. Sipas informacioneve paraprake numri i të arrestuarve po vjen në rritje, ndërkohë forca të shumta policie kanë rrethuar KZAZ nr. 19.
Aktualisht disa militantë të Partisë Demokratike po protestojnë para policisë për lirimin e personave të shoqëruar. Mësohet se 6 efektivë policie dhe 9 protestues morën lëndime pas përplasjeve të djeshme në Dibër.
