Marrëdhëniet Uashtington-Teheran janë përshkallëzuar ndjeshëm që pas vrasjes së gjeneralit kryesor të Gardës Revolucionare të Iranit, Qassem Soleimani, në aeroportin ndërkombëtar të Bagdadit. Ai u vra nga një sulm ajror amerikan.
Sipas informacioneve të publikuara, ai u vra gjatë orëve të para të ditës së premte. Shënjestra ishte makina e tij dhe një makinë shoqëruese ku udhëtonin milicë të Irakut. Gjenerali më herët mori përsipër sulmet ndaj amerikanëve në aeroportin e Bagdadit.
Ndërkohë, për eliminimin e tij janë zbuluar detaje të reja. Ai kishte mbërritur në Bagdad pas një fluturimi nga Siria dhe ka qenë në vëzhgim nga ushtria amerikane.
Menjëherë sapo ushtria amerikanë ka pasur “dritën jeshile”, katër predha me precizion të lartë janë lëshuar nga avionët amerikanë. Predhat goditën dy makinat, ku udhëtonte Soleimanin dhe eskorta e tij.
Në sulm u vra edhe Abu Mahdi al-Muhandis, kreu i milicisë irakiane që mbështetet nga Irani, përgjegjës për sulmin ndaj Ambasadës Amerikane në Bagdad.
Sipas zyrtarëve amerikanë, trupi i Soleimanit u bë copash nga sulmi dhe është identifikuar vetëm nga unaza që mbante. Ndërkohë që trupi i Al-Muhandisit nuk është gjetur ende.
