Mjeku stomatolog Arbër Stafa, i cili u arrestua disa ditë më parë se doli të blinte bukë, thotë se ka bërë një kallzim penal ndaj policëve, që pretendon se e kanë dhunuar. Në emisionin “Shqipëria Live”, ai zbuloi ndër të tjera se sapo të mbyllë këtë çështje, do të largohet nga Shqipëria. Sipas tij, kjo çështje i ka prishur imazhin.
Por si lindi ky konflikt?
Para disa ditësh, Abri u vu në prangat e policisë së Fierit, pasi theu karantinën për të blerë bukë. Ai ishte detyruar që të dilte të blente bukë në furrën pranë banesës së tij, pasi jeton me dy prindër pensionistë. Por ai është përballur me policinë, ku dhe i kanë kërkuar që ti tregojë autorizimin e daljes.
Ai nuk ia ka dhënë, por i ka dorëzuar kartën e mjekut. Kaq ka mjaftuar që të krijohej konflikti mes palëve. Arbri pretendon se e kanë shoqëruar me forcë për në qeli, madje sipas tij edhe e kanë dhunuar.
Sakaq, Prokuroria kërkoi për Abrin masën e sigurisë “arrest me burg”, ndërsa gjykata vendosi ndaj tij vetëm “detyrim paraqitjeje”. Në studio ai tha se ambientet e paraburgimit, janë në kushte shumë të këqija. Madje nuk respektohet asnjë masë për të parandaluar përhapjen e COVID-19. Ai shprehet se nuk e di në është infektuar me koronavirus, apo jo.
Mjeku stomatolog thotë se ka bërë një kallzim penal ndaj policëve, që pretendon se e kanë dhunuar.
“Kam qenë në një person tjetër në qeli, s’më dhanë doreza dhe maskë. Vetëm maskë m’u dha ne gjykatë, për të ruajtur gjykatësin dhe prokurorin. Nuk e di e kam virusin apo jo. Falenderoj disa policë dhe police që u sollën në mënyrë korrekte, por ato s’kanë faj.
Ato masa kanë. Normale i gjithë komuniteti më mbështet, se çfarë bëjnë këta të arrestosh një mjek me burg. Në momentin që unë do të mbyll këtë çështje me shtetin, do të largohem nga ky vend, nuk bëhet më. Kjo më ka prishur imazhin. Nuk jam i sigurt sa audio janë regjistruar. Nuk kam punë me ata, atë punë do ta zgjidhin institucionet shtetërore”, tha Arbri.
