Gjyqtarja e Krujës, Enkelejda Hoxha ka ankimuar vendimin e Këshillit të Lartë të Gjyqësorit (KLGJ) në Komisionin e Pavarur të Ankimimit (KPA). Sipas saj, vendimi i KLGJ për ta shkakrkuar nga detyra, është antikushtetues.
Më 13 sgkurt, Gjykata kundër Korrupsionit dhe Krimit të Organizuar, (GJKKO) vendosi masën e sigurisë ”Arrest me burg” për gjyqtaren e Krujës, Enkeleda Hoxha.
Gjyqtarja Hoxha akuzohet nga SPAK se ka marrë shuma nga 6 mijë deri në 12 mijë euro në këmbim të lirimit të të dënuarve për vrasje.
Hoxha është gjyqtarja e cila ka firmosur lirimin nga burgu të anëtarit të bandës së Durrësit, Endrit Dokle, i cili ishte dënuar me burgim të përjetshëm.
Po ashtu, ajo ka liruar nga burgu Genc Tafilin, i dënuar për vrasjen e komisarit të Policisë Arben Zylyftari si dhe Ilir Pajës, të cilit i kishte mbetur mbi një vit dënim.
Në skemë u zbulua edhe mjeku kardiolog Edvin Prifti, pasi mori ryshfet për të operuar në QSUT nënën e sekretares së gjykatës.
