Analisti Henri Çili ka mohuar akuzat që i janë ngarkuar nga organi i Prokurorisë.
Çili, i cili u arrestua një ditë më parë nga policia, mësohet të ketë deklaruar se nuk ka kryer asnjë shkelje. Sipas tij, ai nuk ka lidhje me akuzat që i janë ngarkuar. Ditën e djeshme, ai iu është nënshtruar seancave pyetësore tek oficerët e Policisë Gjyqësore.
Në të gjitha dëshmitë e dhëna prej tij, mësohet se ai ka mohuar të gjitha akuzat që janë ngritur ndaj tij. Henri Çili tha se gjithçka është e manipuluar, teksa shton se do t’i kundërshtojë akuzat në momentin e duhur me prova dhe fakte.
Bëhet me dije se Henri Çilit do t’i komunikohet masa e arrestit në orët e mesditës së nesërme në Gjykatën e Faktit në Përmet.
