Armenia akuzon Turqinë se ka rrëzuar një prej avionëve të saj, gjatë konfliktit me Azerbajxhanin.
Ministria e Mbrojtjes e Armenisë pretendon se avioni i tyre është rrëzuar nga një avion F-16 i Turqisë, i cili ka qëlluar nga brenda territorit azer.
Ngjarja ka ndodhur mesditën e sotme, ndërsa piloti i avionit armen ka ndërruar jetë.
Por, autoritetet turke kanë përgënjeshtruar pretendimet e Ministrisë së Mbrojtjes së Armenisë duke mohuar të kenë qëlluar ndonjë prej avionëve armen.
Ndërkohë, Rusia i ka tërhequr “veshin” Presidentit turk Erdogan që të mos ndërhyjë konfliktin mes Armenisë dhe Azerbajxhanit, që deri tani ka lënë disa viktima dhe të plagosur.
Zëdhënësi i Kremlinit shprehu sot bindjen se deklaratat në lidhje me mbështetjen e mundshme ushtarake të Azerbajxhanit në konfliktin për Karabakun i hedhin më shumë benzinë zjarrit. Ai ritheksoi se palët duhet të ulen në bisedime për zgjidhjen e konfliktit.
