Pas pretendimit të kryeministrit austriak Sebastian Kurz, se “Erdoğan përdor turqit në Evropë për interesat e tij”, një reagim i menjëhershëm është përcjellë nga ana e Ministrit të Jashtëm të Turqisë, Mevlüt Çavuşoğlu. Ky i fundit ka thënë se kërcënimi i vërtetë ndaj BE dhe vlerave të saj është ideologjia e shtrembëruar që Kurz përfaqëson.
“Kërcënimi i vërtetë ndaj Bashkimit Evropian dhe vlerave të saj është ideologjia e shtrembëruar që Kurz përfaqëson.
Kjo politikë e shëmtuar që formohet mbi ksenofobinë, racizmin dhe islamofobinë është mentaliteti i sëmurë i epokës tonë”, ka shkruar në Twitter Çavuşoğlu. Ai ka cituar lajmin: “Kryeministri austriak Sebastian Kurz: Erdoğan përdor turqit në Evropë për interesat e tij”.
Sipas lajmit të Euronews, Kurz ka folur për gazetën gjermane Handelsblatt. Pasi ka mbrojtur idenë e tij për mbrojtjen e kufijve të BE-së dhe se nevojitet solidarizim i plotë me Greqinë, ai ka akuzuar presidentin Recep Tayyip Erdoğan se “përdor refugjatët si armë”.
