Një nënë e re nuk e ka menduar dy herë, por ka marrë foshnjën e saj dhe e ka hedhur tek koshi i plehrave. Ky rast i rëndë ka ndodhur në Turqi, e ndërsa foshnja është shpëtuar nga kalimtarët e rastit. Kanë qenë kamerat në rrugë që kanë filmuar çdo gjë, duke zbardhur krimin makabër.
Kamerat e sigurisë në një rrugë në lagjen “Gaziosmanpasa” të Stambollit, kanë kapur momentin kur nëna hedh në koshin e plehrave foshnjën e sapo lindur. Pas verifikimit të pamjeve filmike, policia ka zbuluar identitetin e saj, duke mësuar edhe historinë që fshihet pas këtij krimi.
Kanë qenë kalimtarë të rastit që kanë dëgjuar të qarat e foshnjës që vinin nga koshi i plehrave. Sapo kanë parë foshnjën, menjëherë kanë njoftuar policinë. Mediat turke shkruajnë se ka dyshime se gruaja ka lindur në orët e vona të mbrëmjes, dhe disa orë me vonë, ka hedhur foshnjën e saj.
Vajza deklaroi në polici se i trembej babait, prandaj edhe ndërmori një veprim të tillë. Po kështu, kamerat kanë kapur edhe momentin kur ajo vuan dhe qan pasi largohet nga koshi i plehrave.
