Kreu i PD-së Lulzim Basha deklaroi sërish pas mbledhjes së Këshillit Kombëtar se PD do të futet në zgjedhje vetëm nëse garantohen kushtet për zgjedhje të lira dhe të ndershme. Ky propozim u miratua sot edhe në mbledhjen që sapo përfundoi të Këshillit Kombëtar.
Ai tha se Këshilli Kombëtar ka sanksionuar hapat për betejën politike në vijim.
“Misioni ynë është i qartë Këshilli Kombëtar sot ka sanksionuar hapat për betejën tonë politike që ka objektiva të qarta. Të çrrënjosim krimin, korrupsionin. Të çlirojmë ekonominë nga krimi dhe oligarkia që pamundësojnë zhvillimin ekonomik. T’u shërbejmë qytetarëve shqiptarë, jo vetëm duke i rikthyer shpresën por duke i kthyer votën e ndershme. PD do të futet në zgjedhje vetëm kur të garantohen kushtet për zgjedhje të lira dhe të ndershme.
Sot çdo shqiptarë e ka kuptuar se kjo qeveri ka rënë moralisht e ndërkombëtarisht, pavarësisht pelivanllëqeve që merret sot kryeministri më i paaftë, çdokush e ka kuptuar që me Edi Ramën nuk vazhdohet më. Në bashkëpunim me të gjithë grupet e interesit do të shpalosim propozimet tona për mandatin e Qeverisë Tranzitore.
Si do t’i pamundësoni zgjedhjet do shkohet në përplasje civile në ditën e zgjedhjeve?
Do kemi kohë t’i diskutojmë hap pas hapi. Pa largimin e Edi Ramës do vijojë përballja në të gjitha mënyrat. Protestat do të vijojnë sipas taktikës së shtabit ët protestave.
Parakushti për një dialog të vërtetë dhe jo tallje me shqiptarët, është largimi i Edi Ramës.
