Kryemadhi ka folur mbrëmjen e sotme në “Repolitix”, për takimin e mbajtur mes Bashës e Metës. Ajo tha se nuk e ka pyetur bashkëshortin, pasi nuk do që të përfshihet në kauzën e opozitës. Kryetarja e LSI-së sqaroi më tej se tryeza në fjalë ka për qëllim që t’u japë shqiptarëve një parlament legjitim.
“E dëgjova dje nga Basha. Takimin e kërkoi Basha. Unë nuk e kam pyetur Ilirin. Nuk dua të ngatërroj. Unë si kryetare e LSI-së nuk e kam takuar presidentin, por si kryetare e LSI-së jo, nuk kam ndërmend.
Rama flet si budalla, është i larguar. Tryeza e politikës ka qëllim që t’u japë shqiptarëve një parlament legjitim. Duhet një pakt kombëtar, ne kemi lëvizur, tani duhet të lëvizë ai.
Ai të ikë nga qeveria, socialistët të marrin në dorë qeverinë për të çuar vendin në zgjedhje të parakohshme. Vuçiçi i shpalli zgjedhjet e parakohshme, të duket gjë budalla? Ky i joni është trupi pyll, e mendja fyll. Vuçiçi për të shpëtuar partinë dhe integritetin e vendit, shpalli zgjedhje të parakohshme”.
