Presidenti amerikan, Donald Trump ka thënë se zbatimi i masës së karantinës për New York-un “nuk është i domosdoshëm” pasi guvernatori shtetëror ka thënë se marrja e këtij vendimi do të ishte “absurde”.
Trump ka thënë se vendimi i fundit është marrë me rekomandim të task-forcës së Shtëpisë së Bardhë për koronavirusin.
Presidenti i Shteteve të Bashkuara ka thënë më herët se ai mund të vendosë masë të karantinës për New York-un dhe pjesërisht për Nju Xhersin dhe Kontektikat, me qëllim të parandalimit të përhapjes së sëmundjes COVID-19, që shkakton koronavirusi i ri.
Aktualisht në New York është thënë të jenë prekur më shumë se 52,000 persona nga kjo sëmundje.
Ky vend ka më shumë se gjysmën e të gjitha rasteve që janë konfirmuar me COVID-19 në gjithë SHBA-në.
Trump ka thënë se në vend të karantinës, një “udhëzim i ashpër i udhëtimit” duhet të vendoset për New Yorkun, Nju Xhersin dhe Konektikat nga Qendra për Kontrollin dhe Parandalimin e Sëmundjeve.
Nga koronavirusi i ri, sipas të dhënave nga Universiteti Johns Hopkins, janë infektuar mbi 660 mijë njerëz në mbarë botën dhe kanë vdekur mbi 30 mijë. /Rel
