Presidenti amerikan, Donald Trump dhe homolgu i tij rus, Vladimir Putin, do të takohen për herë të parë në kuadër të G20-ës e parashikuar të mbahet më 7 dhe 8 korrik në Gjermani, njoftoi sot Shtëpia e Bardhë.
“Në Hamburg, presidenti do të takohet me shumë krerë, ndër ta edhe atë rus”, deklaroi gjenerali H.R. McMaster, këshilltar për Sigurinë Kombëtare, duke theksuar se një prej objektivave të vizitës së Trump në Evropë është aplikimi i një qasjeje të përbashkët përballë Rusisë.
McMaster rikujtoi gjithashtu pozicionin e presidentit amerikan në këtë çështje.
“Sikurse presidenti është shprehur, ai kërkon që SHBA-ja dhe krerët e vendeve perëndimore së bashku të zhvillojnë një marrëdhënie më konstruktive me Rusinë, por ai ka thënë gjithashtu qartësisht se do të bëjmë atë që është e nevojshme për t’iu përgjigjur sjelljeve destabilizuese të Rusisë”, shpjegoi ai.
Mes takimeve të tjera të parashikuara në kuadër të G20-ës, gjenerali McMaster citoi gjithashtu ehe ata me krerët e Gjermanisë, Britanisë së Madhe, Singaporit dhe Indonezisë.
