Ministri i Jashtëm i Kosovës Behgjet Pacolli ka mirëpritur emërimin e Richard Grenell si i dërguar special për dialogun Kosovë-Serbi nga Presidenti i SHBA-së, Donald Trump.
Pacolli deklaroi se ky veprim tregon përkushtimin e Shteteve të Bashkuara për procesin dhe interesin personal të Presidentit Trump për të arritur njohje reciproke midis Kosovës dhe Serbisë.
“Në javët e fundit kam përsëritur gjithmonë se dialogu duhet të përmbyllet nga qeveria e re. Është detyra kryesore dhe interesi ynë strategjik për t’u lidhur me partnerët tanë, për të punuar me miqtë tanë. Presidenti Trump dëshiron që Serbia ta njohë më në fund Kosovën dhe ne do ta mbështesim këtë qëllim sepse është interes i Kosovës gjithashtu”, u shpreh Pacolli.
