Pentagoni ka autorizuar transferimin e 1 miliard dollarëve për ndërtimin e murit, përgjatë kufirit SHBA-Meksikë.
Ky fond, i cili do të përdoret për të ndërtuar rreth 91 kilometra rrethim, është i pari që merret nën petkun e emergjencës kombëtare të deklaruar nga Donald Trump, për të anashkaluar Kongresin dhe për të ndërtuar murin që ai premtoi gjatë fushatës së tij zgjedhore.
Presidenti Trump e ka quajtur situatën në kufirin jugor një “krizë” dhe këmbëngul se një pengesë fizike është e nevojshme për të ndaluar kriminelët që kalojnë në SHBA, ndërsa demokratët kanë protestuar kundër kësaj lëvizjeje.
Përmes një deklarate, Pentagoni tha se Sekretari i Mbrojtjes i SHBA, Patrick Shanahan, ka “autorizuar komandantin e Korpusit të Inxhinierëve të SHBA për të filluar planifikimin dhe ekzekutimin deri në 1 miliard dollarë në mbështetje të Departamentit të Sigurisë Kombëtare dhe Doganave dhe Patrullës Kufitare”.
