Mesditën e sotme, në fshatin Grudë në Shkodër, është qëlluar me armë zjarri në drejtim të banesës së shtetasit me incialet Gj. M. 63 vjeç. Burimet zyrtare të policisë njoftojnë se autorë të dyshuar janë shtetasit A. K. 37 vjeç, dhe N. K. 28 vjeç, (vëllezër), banues në lagjen “Skenderbeg”, Shkodër. Nga ana e uniformave blu po punohet për zbardhjen e ngjarjes dhe kapjen e autorëve.
Njoftimi i policisë
Më datë 08.01.2020, rreth orës 12:40, në fshatin Grudë, Shkodër, është qëlluar me armë zjarri në drejtim të banesës së shtetasit Gj. M. 63 vjeç, pa shkaktuar dëme në njerëz.
Nga veprimet e para hetimore autorë të dyshuar janë shtetasit A. K. 37 vjeç, dhe N. K. 28 vjeç, (vëllezër) banues në lagjen Skenderbeg Shkodër.
Në vendngjarje ndodhen shërbimet e policisë, veprimet po kryhen me grup hetimor dhe punohet për zbardhjen e ngjarjes dhe kapjen e autorëve.
