Tronditet bota e çiklizmit/Babai gjen djalin të vdekur në dhomën e gjumit

Bota e çiklizmit tronditet sërish nga një ngjarje e rëndë, ku sërish një çiklist belg ndërron jetë në mënyrë krejt të papritur dhe në moshë të re. Bëhet fjalë për Jeroen Goelevem, 25-vjeçari është pjesë e Team Snake Cycling, i cili është gjetur pa jetë në dhomën e tij nga babai. Tragjedia ka ndodhur të martën pasdite, që ka dhënë edhe lajmin tragjik.“Familja jonë është e shkatërruar. Kam gjetur djalin tim, në dhomën e tij, pa jetë. Është e paimagjinueshme dhimbja që ndjej”, ka shkruar babai i ish-çiklistit. Vetëm dy javë më parë është ndarë nga jeta gjatë një gare (Paris-Roubaix) një tjetër çiklist belg, Michael Goolaerts, që pësoi atak kardiak gjatë kohës që po garonte.Pas këtyre dy ngjarjeve të rënda, policia belge ka nisur një hetim në lidhje me dokumentacionin mjekësor që skuadrat belge paraqesin pranë komisionit të garave. Ngjarje të rënda që kanë tronditur botën e çiklizmit.