Një 20-vjeçare është qëlluar me thikë për vdekje, ndërsa dyshohet se autor i këtij krimi është babai i saj. Ngjarja tronditëse ka ndodhur në Adelaide, Australi. Viktima identifikohet si Sabrina Lekaj, e cila u gjet e vdekur brenda një makine.
Po ashtu, edhe babai i saj, Petrit Lekaj, u gjet brenda automjetit, pranë të bijës, me plagë në bark. 49-vjeçari u transportua në spital për t’u trajtuar dhe stabilizuar.
Sipas mediave vendase, dyshohet se Sabrina kishte debatuar me të atin, pasi e kishte kaluar mbrëmjen me shoqen e saj në klub. Shoqja e Sabrinës ka deklaruar për mediat se e reja ishte e shqetësuar, pasi i ati do i bërtiste kur të shkonte në shtëpi.
“Ajo gjithmonë i vendoste të tjerët para vetes. Ishte shumë ambicioze, dëshironte të gjente kurën për të gjitha sëmundjet në botë”, tha shoqja e Sabrinës.
20-vjeçarja, nuk ishte vetëm një studente e shkëlqyer e mjekësisë, ku kishte arritur rezultate të larta, por edhe një pianiste e talentuar.
