Detaje tronditëse janë mësuar në lidhje me rastin ku një 46-vjeçar ka abuzuar me një të mitur. Ngjarja e rëndë ka ndodhur në Pogradec, ku një 13-vjeçare është përdhunuar nga një 46-vjeçar. Ky i fundit ka abuzuar me vajzën ditën e Bajramit.
E mitura vjen nga një familje e varfër, ku i ati vuan nga probleme mendore e ndërsa e ëma pa punë. 46-vjeçari e ka marrë vajzën që në 30 korrik, me pretendimin se do kujdesej dhe do e mbronte.
Ai e ka mbajtur vajzën me forcë prej 2 muajsh, ku e ka përdhunuar sistematikisht, referuar policisë. Vetëm 2 ditë më parë vajza ka mundur të takojë oficerin e zonës, duke bërë denoncimin.
Nga ekspertët ka rezultuar se ajo është abuzuar seksualisht dhe rrahur mizorisht nga autori.
“Specialistët për Hetimin e Krimeve në Komisariatin e Policisë Pogradec, bënë arrestimin e shtetasit B. B., 46 vjeç, banues në një fshat të Njësisë Administrative Buçimas. Arrestimi i tij u bë pasi dyshohet se ky shtetas gjatë muajit gusht, ka kryer marrëdhënie seksuale në mënyrë të përsëritur me një 13-vjeçare. Materialet i kaluan Prokurorisë Pranë Gjykatës së Shkallës së Parë Pogradec, për veprën penale “Marrëdhënie seksuale me të mitur”, njofton policia.
