Kryetari në detyrë i Bashkisë së Kamzës, Xhelal Mziu, ka reaguar pas shpërthimit me tritol në pallatin ku jetonte nënkryetari i Bashkisë Vendim Demaj.
Në një prononcim për mediat, Mziu tha se cilëson këtë një akt të pastër hakmarrje politike ndaj Demajt, i cili kaloi në heshtje nga policia.
Por policia e përgënjeshtroi këtë lajm duke vënë në pah se tritoli ishte vendosur në banesën e shtetasit Paulin Gjegjaj.
“Po ndiqja nga mediat dhe më vjen mirë që opozita është sinjalizuesja. Kjo është ngjarje e rëndë që kalon në heshtje nga policia. Besoj që është akt i pastër hakmarrje politike ndaj zotit Denaj duke qenë jo vetëm n/kryetar i bashkisë së Kamzës, por edhe anëtar i Këshillit Kombëtar, por edhe një aktor kryesor i këtyre protestave të 7 muajve të fundit. Situata ishte fati i mirë i familjes së vendimit dhe komshiut dhe banorëve të tjerë që nuk ishin prezent në momentin e këtij akti terrorist. Nuk di se cfarë mund të them tjetër, kjo është pasqyra e këtij regjimi, jo vetëm për fshehjen, por hakmarrje ndaj opozitës, e njerëzve nuk i bëjnë fresk qeverisë”, deklaroi Mziu.
