Pas deklaratës së Partisë Demokratike se mbrëmjen e djeshme,nënkryetarit të Bashkisë Kamëz, i është vënë tritol në derën e shtëpisë dhe policia e ka fshehur këtë ngjarje, ka ardhur edhe reagimi i kësaj të fundit.
Përmes një njoftimi zyrtar, Policia e Shtetit ka deklaruar se shpërthimi ka ndodhur në të njëjtin pallat ku jeton edhe Vendim Demaj, duke hedhur kështu poshtë deklaratat e PD-së, se lënda plasëse ishte vendosur në apartamentin e zyrtarit demokrat.
Sipas Policisë, shpërthimi ka ndodhur në katin e tretë në derën e banesës me qira të shtetasit, Paulin Gjegjaj.
Njoftimi zyrtar i policisë:
Më datë 04.08.2019, rreth orës 23.30, tek kthesa Kamzës në katin e tretë të një pallati, në pjesën e derës së banesës së marrë me qera nga shtetasi P.Gj, ka shpërthyer një sasi e vogël lënde e dyshuar plasëse, ku në momentin e shpërthimit brenda në banesë nuk ka pasur njeri dhe si pasoje ka vetëm dëme materiale.
Grupi hetimor po vijon punën për zbardhjen e rrethaneve të ngjarjes, identifikimin dhe kapjen e autorit.
Metarialet i kanë kaluar Prokurorisë së Rrethit Gjyqësor Tiranë për veprime të mëtejshme, për veprën penale “Shkatërrimi i pronës me eksploziv”
