Ministrja e Shëndetësisë Ogerta Manastirliu, ka publikuar në rrjetet sociale një foto nga puna e përditshme e mjekut Tritan Kalo. Teksa e falenderon për punën e tij në vijën e parë të luftës kundër koronavirusit, Manastirliu shkruan se profesor Tritan Kalo ka kaluar shumë epidemi, por COVID-19 është i pazakontë edhe për të.
Ajo citon se nga dita e parë e shfaqjes së epidemisë në Shqipëri, mjeku Tritan Kalo ndodhet pranë pacientëve.
Duke garantuar se kjo situatë do kalojë pa bilance tragjike sikundër kanë ndodhur në SHBA, Itali, Spanjë e jo vetëm, ministrja shprehet se bluzat e bardha janë në gatishmëri.
Statusi
Prof. Tritan Kalo ka kaluar shumë epidemi, por #COVID19 është e pazakontë edhe për të. Që nga dita e parë e epidemisë, prof. Kalo është çdo ditë mes pacientëve të prekur nga #COVID19, i palodhur në shërbim të tyre me përkushtim e profesionalizëm.
Doktori ka mirënjohjen e pacientëve të tij por edhe respektin e thellë nga të gjithë ne për forcën dhe energjinë me të cilën prof. Kalo dhe i gjithë stafi i infektivit po e përballon këtë situatë??
#MëTëFortë #Bashkë?
