Sot tregu i Kombinatit ka funksionuar me masa shtrënguese, e ndërsa ka qenë e pranishme ushtria dhe policia. Pas mungesës së ndërgjegjësimit e njëkohësisht zbatimit të rregullave në tregjet e kryeqytetit, sot qytetarët u përballën me një tjetër situatë.
Qytetarët janë të detyruar të qëndrojnë mbi rrathët e verdhë, për të zbatuar distancën e sigurisë. Hyrja dhe dalja nga tregu i fruta-perimeve të Kombinatit, bëhet vetëm nëpërmjet tunelit të dezinfektimit, teksa askush nuk lejohet të futet brenda pa maskë.
Kryebashkiaku Veliaj ka shprehur falenderimin ndaj qytetarëve, për bashkëpunimin në këto ditë të vështira për vendin, si pasojë e koronavirusit.
