Tenori i famshëm shqiptar, Ramë Lahaj, i është drejtuar me një letër kryeministrit Edi Rama për ardhjen e Goran Bregovic në Shqipëri. Lahaj shkruan se mund të ftojnë çdo artistë shqiptarë për të kënduar në festën e birrës, madje dhe atë vetë, por jo një këngëtarë që ka frymëzuar forcat serbe që vranë shqiptarët e Kosovës.
Mjaft i drejtëpërdrejtë në kërkesën e tij, tenori i thotë Ramës që të tregohet burrë një herë në jetë, e të mos u kujtojë plagët e së shkuarës.
Ardhja e këngëtarit serb në festën e birrës në Korçë, solli reagime të ashpra nga shqiptarët si dhe nga personazhe të njohur të ekranit. Artisti serbo-kroat do të interpretojë në Korçë më 22 gusht, në natën e fundit të festës së birrës.
Kjo është hera e dytë që artisti interpreton në Shqipëri, pas koncertit që dha në Pallatin e Kongreseve në vitin 2006.
Statusi
Z. Edi Rama po të drejtohem në emnin e të gjithë kosovareve, anulo Goran Bregoviqin!
Ai dhe kangët e tij që ishin himni i çetnikëve serb për të prerë fëmijët, nanat, motrat, vëllezërit e baballarët tanë nuk mund t’ jene në Shqipni për të festuar në festen e birrës. Zgjidh ke të duash nga artistet me mua në krye, ani pse nuk këndoj në festa birrash, por po të vij unë dhe gjithë koleget pa asnjë lloj detyrimi, me festu së bashku me muzikën tone të bukur shqipe. Po jo me atë që neve na i prenë fëmijët në djep. Tregohu burrë nji here në jetë e mos na lëndo ma shumë. Mos na i qit krip plagës. Unë jam vet artist, e misioni i artistit është me ndjellë paqe përmes artit, por ky rast asht krejt ndryshe dhe ju e dini pse! E sa i përket renditjes se kush erdh i pari e kush i mrami kur Shqipninë e dridhi tërmeti, n’ ketë punë renditja asht krejt e pa ransishme! Shipnija asht bo sofra e shtrati jone at‘here kur çetniket serb me kangët e Goranit na i ka permys e djegë shpiat e baballarëve. Mos i rafte kurrë Shipnisë me u provu në të keq, se t’ madh e t’ vogël aty na ka. T’ paret!
Thuaj jo Bregoviqit z. Kryeministër!
Shipnisë nuk i ka hije me bo dasem me dajre t’ çetnikëve.
