Ministri i Brendshëm, Sandër Lleshaj ka reaguar sërish në lidhje me situatën e tregjeve në Shkodër.
Përmes një postimi në Facebook, Lleshaj thotë se gjendja është përmirësuar dhe se kaosi i ka lënë vendin standardeve të reja.
Sipas tij, kjo gjë kontribuon drejtpërdrejt në reduktimin e riskut të përhapjes së pandemisë. Kujtojmë se pak ditë më parë, Lleshaj vizitoi Shkodrën pas shqetësimit të autoriteteve shëndetësore se qyteti ishte kthyer në vatrën e nxehtë të pandemisë.
Postimi i plotë:
Me vullnet pozitiv shumëçka është e mundur. Në harkun e pak ditëve, gjendja në Shkodër ka njohur përmirësim rrënjësor.
Kaosi i tregjeve i ka lënë vend standardeve të reja, gjë që kontribuon drejtpërdrejt në reduktimin e riskut të përhapjes së pandemisë.
Vlerësim për zyrtarët e MB, PSH, agjencive të tjera si dhe autoriteteve vendore të Bashkisë Shkodër për bashkëpunimin në interes të qytetarëve dhe të vetë Shkodrës.
