Situata vijon të mbetet e tensionuar në Bashkinë e Devollit, e cila u që në orët e para të mëngjesit u rrethua nga 30 policë.
Në një prononcim për mediat, kryebashkiaku i ri, Eduard Duro, ka deklaruar se e ka thirrur ai policinë sepse kishte marrë informacione se do të kishte tubim nga mbështetësit opozitarë.
“Një pjesë e punonjësve kanë hyrë në zyrë. Policinë e kam thirrur unë pasi kisha informacion se do bëhej ky tubim. Po pres që të gjithë punonjësit e tjerë të hyjnë në zyrë. Ish-kryetari nuk pranoi të largohej ndaj u detyruam të veprojmë kështu. Unë kam pasur takime edhe me punonjësit ditën e shtunë. Ata do vijnë në punë”, ka thënë Duro.
Ndërkohë, para bashkisë janë mbledhur shumë mbështetës të opozitës dhe ish-kryebashkiaku Bledion Nallbati, të cilët po protestojnë kundër kryebashkiakut të dalë nga zgjedhjet pa garë të 30 qershorit.
