Kryeministri Edi Rama është shprehur se shërbimi i transportit publik është shqetësimi më i madh deri më tani.
Gjatë fjalës së tij në mbledhjen online të Komitetit Teknik, Rama tha se nuk dihet ende sesi do të veprohet me hapjen e transportit publik.
Kreu i qeverisë deklaroi se po mendohet një formulë kompromisi në lidhje me këtë çështje, teksa sqaroi se edhe nëse hapen nuk do të ketë një grumbullim më të madh se 10 persona.
“Mbetet shqetësim transporti publik me autobus, ndër qytetas por edhe në qytet. Do gjejmë një formulë kompromisi nuk e dimë ende se si do të jetë, Pjesa tjetër po çlirohet ndjeshëm, Kuptohet jo grumbullim më shumë se 10 veta. Do jemi tërësisht të ekspozuar prandaj duhet të kemi një intensitet të madh me sensibilizimin”, tha ai.
